Цягнік Чыкага-Токіё

Сёньня я дабіраўся З Чыкага ў Токіё на цягніку, Бо калі самалёт ляціць 13 гадзінаў, Гэта ўжо цягнік.

Апошнім часам зусім перастала чытаць вершы, асабліва знаёміцца з сучаснай паэзіяй. Але Андрэй Хадановіч — адзін з нямногіх паэтаў, чые зборнікі я абавязкова чытаю адразу пасля іх выхаду.

У гэтай кнізе перад намі паўстае абсалютна тыповы Хадановіч, з яго уменнем заўважаць абсалютныя дробязі, дэталі, на якія мы звычайна не звяртаем увагі. З гумарам пра розныя аспекты нашага жыцця. Гэты зборнік незвычайны тым, што ён дае нам магчымасць выправіцца ў падарожжа разам з паэтам. Ад Парыжу да Менску, ад Чыкага да Токіё. Пастаяць на мосце Мірабо і пакатацца менскім тралейбусам №38. Паэзія Хадановіча як заўжды на высокім узроўні.